საწრეო მუშაობის რეფლექსია

შემოგთავაზებთ საწრეო მუშაობის ანგარიშს
რეფლექსიის ფორმით

   საწრეო მუშაობის რეფლექსია

საწრეო მუშაობის მიზანი:

1.მათემატიკური ცოდნის გაღრმავება;

2.  მათემატიკის მიმართ ინტერესის გაღვივება/ გამომუშავება;

3. სწორი მათემატიკური მეტყველების გამომუშავება;

    2018-2019 სასწავლო წლის მეორე სემესტრში, მეხუთე კლასის ბაზაზე შევქმენი მათემატიკის  წრე, „ნორჩი მათემატიკოსი“, მათთვის ვისაც სურვილი აქვს უკეთ განივითაროს მათემატიკური აზროვნება და მათემატიკური ცნობიერება.

      მუშაობის პროცესის გასამრავალფეროვნებლად გამოვიყენე სხვადასხვა საინტერესო და მოსწავლეებისათვის სახალისო აქტივობები.  
   საწრეო მუშაობის პროგრამა მოსწავლეთა საჭიროების გათვალისწინებით შევარჩიე. მთელი სემესტრის განმავლობაში მოსწავლეები დიდი ინტერესით იყვნენ ჩართულები მუშაობის პროცესში.  დავიწყე მუშაობა ელემენტარული საკითხებიდან. ბავშვებისათვის ძალიან საინტერესო და რაც მთავარია ადვილად დაძლევადი იყო ყველა ის საკითხი, რომელსაც ვთავაზობდი საწრეო მუშაობის გეგმის მიხედვით.  მოსწავლეებმა აითვისეს ამოცანების ამოხსნის მარტივი ხერხები, გაეცნენ ცნობილ ქართველ მათემატიკოსთა ბიოგრაფიებს. ჯგუფური მუშაობის დროს განივითარეს თანამშრომლობითი უნარ-ჩვევები. განვიხილეთ მოსწავლეთათვის საინტერესო საკითხები, როგორც პროგრამული, ისე , კლასგარეშე, რომელიც შერჩეული მქონდა სახალისო მათემატიკიდან.

   ეს ყოველივე დამეხმარა მოსწავლეებს, უპირველეს ყოვლისა, ჩამოყალიბებოდათ მათემატიკის მიმართ დადებითი დამოკიდებულება და მრავალფეროვანი აქტივობებით გამომუშავებოდათ  ლოგიკური აზროვნება.  

      იმისათვის რომ გავსულიყავი საწრეო მუშაობის მიზნით გათვალისწინებულ შედეგზე მუშაობის ბოლოს  ჩავატარე შემაჯამებელი ტესტირება, რომლის ანალიზის მიხედვითაც მოვახდინე, როგორც ჩემი საქმიანობის, ისე მოსწავლეთა შეფასება.

        დასკვნის სახით შემიძლია აღვნიშნო, რომ საწრეო მუშაობა დამეხმარა საგაკვეთილო პროცესშიც. გამიადვილდა ესგ-ს მიზნით გათვალისწინებულ შედეგზე გასვლა. მოსწავლეებსა და მათ მშობლებს აქვთ სურვილი მომდევნო წელს მაგავსი ხასიათის აქტივობის გამეორების. ვფიქრობ, მომდევნო წელსაც მივმართო აღნიშნული სახის ღონისძიებას.

  

სსიპ ქალაქ ხაშურის N7 საჯარო სკოლის
უფროსი მასწავლებელი: ნინო ნადირაშვილი

2019 წელი

საწრეო სამუშაო შეხვედრა ნორჩ მათემატიკოსებთან

წრის  ბოლო სამუშაო შეხვედრა 

წრის მორიგი სამუშაო შეხვედრა

საწრეო მუშაობის მორიგი შეხვედრა

მეორე შეხვედრა

მეორე შეხვედრაზე "ნორჩმა მათემატიკოსებმა" სახალისო ამოცანებით დაიწყეს და კიდეც გადავიდნენ პრაქტიკულ სამუშაოზე.

საწრეო მუშაობის პირველი შეხვედრა

"ნორჩმა" მათემატიკოსებმა პირველი შეხვედრა გამართეს. გაეცნენ საწრეო მუშაობის წესებს და გეგმას.

წრის სამუშაო გრაფიკი

	თემა	ხანგრძლივობა	შეხვედრის თარიღი
1	ა) შეხვედრა ბავშვებთან და მშობლებთან საორგანიზაციო საკითხებზე. ბ)  წრის სამუშაო გეგმის გაცნობა.	1 საათი	01.02.2019
2	ა) შეკრების  თვისებები. პრაქტიკული სავარჯიშოების გაკეთება. ბ) რიცხვითი გამოსახულების მნიშვნელობის შედარება.	1 საათი	08.02.2019
3	ა) გამრავლების თვისებები, პრაქტიკული სავაარჯიშოების გაკეთება. ბ) რიცხვებისა და თვლის წარმოშობა (საუბარი)	1 საათი	15.02.2019
4	ა) წრეწირი და წრე. ბ) სახუმარო ამოცანები	1 საათი	22.02.2019
5	ა) შეკრება-გამოკლების თვისებები. პრაქტიკული სავარჯიშო. ბ) ფოკუსები და რიცხვითი გამოცანები.	1 საათი	01.03.2019
6	ა) ზედაპირის ანგარიშის ხერხები. ბ) მათემატიკური ვიქტორინა: „რა?, სად?, როდის?“	1 საათი	15.03.2019
7	ა) ბრტყელი გეომეტრიული ფიგურები. ბ) ენამახვილი გენიოსებიდან სახალისო ისტორიების წაკითხვა.	1 საათი	22.03.2019
8	ა) ზეპირი ანგარიშის ხერხები. ბ) ზღაპრები და მითები მათემატიკაზე.	1 საათი	29.03.2019
9	ა) გაყოფა. გაყოფის თვისებები. ბ) სახალისო ამოცანები	1 საათი	05.04.2019
10	ა) სავარჯიშოები კენგურუს ამოცანათა კრებულიდან.	1 საათი	12.04.2019
11	ა)შემაჯამებელი ტესტირება.	1 საათი	19.04.2019
12	ა) ამოვხსნათ საყოფაცხოვრებო ამოცანები.	1 საათი	03.05.2019
13	ა) უცნობი რიცხვის პოვნა. ბ) ლოგიკური ამოცანები მიხვედრაზე.	1 საათი	10.05.2019
14	ა) ამოცანები ნაწილების პოვნაზე. ბ) სახალისო ამოცანები	1 საათი	17.05.2019
15	ა) ამოცანების ამოხსნა. განტოლებების შედგენა.	1 საათი	2405.2019
16	ა) შემაჯამებელი შეხვედრა. ვიქტორინა: „რა?, სად?, როდის?“	1 საათი	3105.2019